“माफ करा पण कृपया तुम्ही माझ्यासोबत बाजूला याल का?” न्यूयॉर्क एअरपोर्टवर इमिग्रेशनच्या रांगेत उभ्या असलेल्या आलिया ला सिक्युरिटी गार्डने विचारलं. तो सिक्युरिटी गार्ड चांगला गोरा, धाड-धिप्पाड, पहायला आकर्षक असा अमेरिकी नौजवान होता. आलिया ने त्याच्याकडे वळून बघितलं. एका क्षणी तर तीही त्याच्या व्यक्तिमत्त्वावर भाळून क्षणभर त्याच्याकडे बघतच राहिली. त्याच्या सारखं रुबाबदार व्यक्तिमत्व बॉलिवूड हिरोमध्ये सुद्धा अभावानेच पाहायला मिळे. मग भानावर येत ती त्याला म्हणाली, “मी काही चुकीचं केले आहे का आम्म्म… मिस्टर जॅक?” तिने त्याचा छातीवर असलेली नेमप्लेट पाहून त्याचं नाव ओळखलं होतं. काही वेळ तो सिक्युरिटी गार्ड सुद्धा तिच्याकडे बघतच राहिला कारण ती होतीच तशी सुंदर आणि मुख्य म्हणजे ती होती एक सेलिब्रिटी. तिने गुलाबी रंगाच्या टॉप खाली निळी जीन्स घातली होती. त्या कपड्यांतून तिची रसभरीत फिगर उठून दिसत होती. तिची हेअर स्टाईल, तिचे चेहऱ्यावर घातलेलं गॉगल, लालचुटुक ओठ, महागडी पर्स आणि पायात सँडल्स असं एकंदरीत सेलिब्रिटी वाला लूक होता.